Infantil



Primaria












Secundaria





Blog Alberto Bachillerato



Outros


 

 


Save The Children

 

A nosa proposta educativa

Ao longo do presente curso escolar 2018-2019 traballaremos desde e en torno ao valor da “ESPERANZA”.

“Traballar en tódolos ámbitos e áreas escolares o valor da esperanza, tendo como modelo a Xesús de Nazaret e o seu proxecto de vida”.

- Crear ambientes que faciliten o despertar da confianza en Deus, en sí mesmo e nos demais.
- Despertar o sentido crítico e facer unha lectura evanxélica da realidade que nos mobilice cara “outro mundo posible”.
- Fomentar actitudes de compromiso cristián, traballando por un mundo mellor, apoiados na promesa do Reino de Deus.

Concursos

Nos seguintes enlaces deixámosvos as bases para participar nos concursos de Carteis para a Semana da Ciencia (data límite de entrega no colexio 21 xaneiro 2019) e o de fotografía das matemáticas FotoMat (data límite de entrega por correo electrónico 21 xaneiro 2019).

Animádevos a participar!!!

NOTA: Enderezo para o envío das fotografías: detectouse unha errata nas bases do FotoMat que xa está corrixido, sendo o enderezo correcto o seguinte:
departamento.ciencias.cvc@casadelavirgen.es
Desculpade as molestias.


(21/12/18)
Recadación de comida e xoguetes

O pasado venres 21 de decembro levamos a cabo a Operación Kilo, a recollida de alimentos e xoguetes para os máis necesitados.

Grazas á colaboración das familias do centro poidemos entregar a Cáritas Cangas unha importante cantidade de alimentos e xoguetes para o reparto entre as familias mási necesitadas do Morrazo.

Dende a directiva de Cáritas agradecen ás familias do colexio a súa colaboración e informan que aquelas persoas que queiran doar alimentos, principalmente leite, poden facelo de luns a xoves de 17:00 a 19:00 h.

E por outra banda, o martes 18, os alumnos de secundaria visitaron o comedor social de Cangas, levando cada un deles os alimentos que trouxeron das súas casas para doar, aportando así o seu gran de area nestas datas tan especiais.

Moitas grazas a todos.


(21/12/18)

Visita dos Reis Magos e Festa de Fin de Ano

Dentro das moitas actividades do Nadal, destacamos a visita dos Reis Magos e a Festa de Fin de Ano, organizado pola ANPA A Patela en colaboración coa dirección do centro.

Así, as súas maxestades, os Reis Magos de Oriente, visitaron o noso centro para recoller as cartas coas peticións dos alumnos de infantil e primaria repartindo caramelos e ilusión a tódolos alumnos.

En canto á Festa de Fin de Ano, todos os alumnos do colexio asistiron á mesma, cunha vestimenta formal, garabatas, paxaritas, vestidos longos, e o tradicional cotillón, bailaron e tomaron as “uvas” ao ritmo das badaladas.




(20/12/2018)

Festival de Nadal

Festival Nadal 2018O pasado 20 de decembro celebramos, como tódolos anos, o Festival de Nadal, en colaboración coa ANPA A Patela, e onde tódolos alumnos do centro puideron mostrar ás familias as panxoliñas e representacións que prepararon ao longo deste mes de decembro.

Empezou o festival representación da Anunciación; a cargo dos alumnos de 2º ESO, 1º e 2º Primaria, preparados por Sor María Luisa González Artacho e Inmaculada.

Dende panxoliñas tradicionais ata as máis modernas, zumba, e un vídeo con mensaxe navideño feito polos alumnos de 2º de bacharelato coas presentacións de todo o festival a cargo dos nosos alumnos de bacharelato Nerea e José Manuel que o fixeron estupendamente ben.

Por último queremos agradecer ao Concello de Cangas e á Directiva do Auditorio de Cangas a cesión do auditorio e os medios técnicos para levalo a cabo.
Dende a Comunidade Educativa “Casa de la Virgen” desexamos a todos Bo Nadal.

Como colofón ó festival, os alumnos de bacharelato sorprendéronos cuns vídeos feitos por eles mesmos: unha curtametraxe sobre a importancia de compartir sobre todo nestas datas, e por outro un “making of” no que recolleron os preparativos feito polos alumnos de todo o colexio nos días previos ó festival. Os deixamos os vídeos para que opinedes vós mesmos.

Curtametraxe Making of


(9-15/12/2018)

English week 2018

Por segundo ano consecutivo ao noso centro concedéuselle a posibilidade de que os alumnos de 4º ESO participaran durante unha semana, do 9 ao 15 de decembro, nas actividades de Inmersión Lingüística organizadas pola Consellería de Educación da Xunta de Galicia.

Os alumnos do derradeiro curso de ESO desprazáronse a Os Peares para convivir e participar, xunto con outros centros e durante 7 días, en diferentes actividades destinadas a proporcionarlles ferramentas para mellorar as súas destrezas de comprensión e expresión oral en lingua inglesa.

A Xunta organiza para os alumnos actividades tanto académicas como de tempo libre e talleres, nas que sempre están acompañados e dirixidos por profesores nativos e das que ao finalizar reciben un certificado acreditativo da realización do curso.


(8/12/2018)
90 Aniversario da Fundación Benéfico-Docente Casa de la Virgen

A Fundación Benéfico Docente Casa de la Virgen cumpliu o sábado 8 de decembro 90 anos. Lembrando un pouco na historia da Fundación, o primeiro Presidente foi o Reverendo Padre Francisco de Paula Puyal Gil, sendo relevado trala súa morte, en 1974,  polo Padre Carlos García-Diego ata o momento do seu encontro co Señor o 25/04/2000. Na actualidade o Presidente da Fundación é D. Isidoro Ángeles Ventura.

A Fundación conta na actualidade con tres centros en toda España: Madrid, sede da presidencia, Cangas e Palmones (Cádiz).  O acto de celebración levouse a cabo o 8 de decembro no colexio Casa de la Virgen de Madrid. Consistiu nun primeiro momento nunha Eucaristía, acompañada polo coro do colexio Casa de la Virgen de Madrid. A segunda parte da celebración foi o visionado dun vídeo sobre a historia da Fundación e as tres casas. Aproveitouse a ocasión para render un merecido homenaxe a persoas relevantes para a Fundación como; os representantes da Fundación e Benefactores, ás Hijas de la Caridad, presentes actualmente só no noso colexio de Cangas e a un profesor de cada centro pola súa labor educativa ao longo destes anos.

Así, a mestra Ángeles recibiu un emocionado recoñecemento a súa labor como docente ao longo dos 34 anos de pertenza á nosa comunidade educativa. Actualmente é a nosa secretaria do centro, pero durante moitos anos levou a cabo os cargos de xefa de estudos ou a dirección pedagóxica. Recibiu unha placa conmemorativa e unha fervorosa ovación polo seu traballo. Noraboa Ánxeles.

(13/11/2018)
Magosto 2018

O martes 13 de novembro celebramos a tradicional festa do outono, o Magosto. Dende a mañá os membros da ANPA prepararon e asaron as castañas, para que pais, alumnos e profesores puideran desfrutar deste froito de outono.
Os alumnos de 4º ESO, organizaron un chiringuito, onde se vendían cafés, bebidas e chucherías, co fin de recadar fondos para sufragar a excursión de Fin dos Estudos da ensinanza obrigatoria.  Queremos agradecer a tódolos membros da ANPA o seu traballo desinteresado na preparación das castañas.

Deixámosvos fotos da celebración.


(30/10/2018)

“Halloween” vs “O Samaín” 2018

Ao longo dos días previos á celebración da día de Halloween ou O Samaín, os alumnos realizaron diferentes traballos sobre a temática.

Todos estes traballos foron expostos no colexio, donde houbo diferentes deseños de cabazas, morcegos, arañas, esqueletos,...

Deixómosvos unhas fotos da exposición.


(5-11/11/2018)

Inmersión lingüística en París

Dentro do noso proxecto plurilingüe, por segundo ano continuamos co programa de inmersión lingüística en francés co colexio Sainte Jeanne – Elisabeth de París.

Os alumnos de 4º ESO, na semana do 5 ao 11 de novembro convivirán coas familias dos alumnos deste colexio, asistirán ás súas clases e visitarán os lugares máis destacados de París (Capilla da Virxe Milagrosa, Notre Dame, Torre Eiffel, Arco de Triunfo, Campos Elíseos,...).

Durante esa semana iremos actualizando diariamente as fotos e no enlace deixámosvos xa o planning semanal.

Xa están facendo as maletas!!!

(27/09/2018)
I Festa de San Vicente e Sta Luisa de Marillac

O pasado 27 de setembro e coincidindo coa festividade de San Vicente de Paúl, celebramos no colexio a 1ª Festa dos Fundadores das Fillas da Caridade.
Na Eucaristía, os nenos e nenas de 4º, 5º e 6º de Primaria, lembraron a gran labor social que Luisa e Vicente fixeron na súa época, sempre ao servizo dos máis necesitados.

Despóis, tódolos alumnos e alumnas do Centro, dente Infantil ata Bacharelato, participaron nun orixinal e divertido Flashmob ao ritmo da canción de One Republic: I lived.

 A mensaxe desta canción en Lingua Inglesa, foi traballada nas clases de inglés, especialmente por Alice, a nosa nova auxiliar de conversa. Unha mensaxe de ESPERANZA e ilusión por vivir cada segundo da nosa vida.
Os alumnos de Primaria decoraron as instalacións do colexio cos seus traballos, dándolle cor e alegría a este día tan especial que marcou o inicio do novo curso.

Horarios

Horario de clases, titorías, secretaría e dirección.
Calendario

Calendario escolar para o curso 2018/19.

Comedor

Xa podedes consultar o menú deste mes.
Bo proveito!

Plan Madruga

A Dirección do centro oferta o servizo de Plan Madruga dende as 8:00 h ata a hora de entrada a clase, sendo atendidos os alumnos por profesores do centro.
Faltas de asistencia

Todas as faltas de asistencia dos alumnos/as deberán xustificarse debidamente mediante a entrega do seguinte modelo ós titores correspondentes.





Última actualización da web: 13.01.2019 - 17:15
       
 

subir




Política privacidade │ Aviso legal │ Fundación Benéfico-Docente Casa de la Virgen │ Rúa Virgen del Val, 1 Madrid │ 28027 Madrid │ CIF: G286950